Намеснік Каламойскага: Нам патрэбны ўкраінскі ЦАХАЛ

Наяўнасць зброі для самаабароны і абароны краіны - грамадская патрэба і на яе трэба рэагаваць.

Пра гэта намеснік губернатара Днепрапятроўскай вобласці Барыс Філатаў заявіў у інтэрв'ю ЛигаБизнесИнформ.

"Батальён Днепр рэгулюецца загадам МУС. Гэта падраздзяленне, якое знаходзіцца ўнутры МУС. Груба кажучы, калі ўсё добра скончыцца - у чым я не сумняваюся - людзі проста спакойна разыйдуцца па дамах. Не бачу ў іх жадання пакінуць зброю сабе і ператварыцца ў парамілітарнае ўтварэнне.

З іншага боку, урад і парламент павінны рэагаваць на выклікі часу - мы маем патрэбу ва ўрэгуляванні пытанняў тэрытарыяльнай абароны на заканадаўчым узроўні. Нам патрэбны ўкраінскі ЦАХАЛ, патрэбная такая армія, як у Швейцарыі і ЗША. Ёсць маса патрыятычных людзей, якія хочуць ездзіць на зборы і мець дома зброю. Вопыт Малдовы са свабодным доступам да кароткаствольнай зброі паказвае, што там злачыннасць не вырасла і малдаване адзін аднаго не перастралялі. Наяўнасць зброі для самаабароны і абароны краіны - гэта сёння грамадская патрэба і на яе трэба рэагаваць", - адзначыў Філатаў.

Намеснік Ігара Каламойскага распавёў пра тое, як супрацьстаяць сепаратыстам у Днепрапятроўскай вобласці.

"Праблема ўзнікае, калі іх усіх бяруць пад адзін грэбень. Тады яны аб'ядноўваюцца, маргіналізуюцца і сыходзяць у падполле. У нас быў, я б так сказаў, інцыдэнт з жорсткім пранікненнем у АГА. Сабралася, натуральна, і праплочаная публіка. Была там і група каля 50 баевікоў, настроеных рашуча. Калі з імі пачалі праводзіць выхаваўчую працу, то спыталі: вам што тут трэба? Яны адказалі, што прыйшлі, каб не білі пажылых жанчын. І дзесьці яны мелі рацыю, таму што камуністычны электарат пераважна сталага веку. І калі б узніклі сутыкненні паміж правымі і левымі, то яны ўступілі б у гэты канфлікт.

Мы працуем на апярэджанне, працуем з усімі. У тым ліку з тымі, хто займаецца вярбоўкай людзей на мітынгі. У нас вялікая колькасць прыхільнікаў у розных сферах дзейнасці - пачынаючы ад гандляроў на рынках, заканчваючы рознымі элементамі ў розных колах", - сказаў ён.