Тарас Беразавец: Расея распадзецца хутчэй, чым СССР пасля Афганістана

Санкцыі Захаду прывядуць да распаду Расеі, бо яна слабей СССР.

Пра гэта на старонках выдання "Главред" распавёў дырэктар украінскай кампаніі Berta Communications Тарас Беразавец.

"Калі б Украіна пачала актыўныя баявыя дзеянні ў Крыме, Расія неадкладна б скарысталася гэтай магчымасцю для акупацыі Украіны. Пра гэта горка казаць, але цаной страты Крыма мы выратавалі ўсю Украіну", - лічыць палітолаг.

"Праглынуўшы такі кавалак, Расея не зможа яго пераварыць. У яе здарыцца геапалітычны заварот кішак. Санкцыі, якія былі накладзеныя на Расею, нашмат больш сур'ёзныя, чым тыя, якія Захад ужыў да СССР пасля ўварвання ў Афганістан у 1979 годзе. СССР спыніў сваё існаванне праз 12 гадоў пасля гэтага", - нагадаў эксперт.

"У выпадку з Крымам распад Расеі адбудзецца нашмат хутчэй, таму што сучасная Расея ў разы слабей Савецкага Саюза" - падкрэсліў Беразавец.

Раней Беразавец выказаў здагадку, што ваенная інтэрвенцыя Расеі ва Украіну магчымая ўжо ў гэтым годзе - Уладзімір Пуцін, акрамя Крыма, можа акупаваць практычна ўсе паўднёва-усходнія рэгіёны нашай краіны.