Навукоўцы папярэджваюць пра ўдар «астэроіда-забойцы»

Удар астэроіда з магутнасцю атамнай бомбы цяпер значна больш імаверны, чым раней меркавалі навукоўцы

Новыя даследаванні астраномаў паказваюць, што небяспека паразы Зямлі магутным астэроідам ад трох да дзесяці разоў больш імаверная, чым мы думаем і толькі "сляпы поспех" папярэджвае катастрофу, якая можа адбыцца ад удару "астэроіда - забойцы гарадоў", піша Time.

Новыя звесткі паказваюць, як і дзе сутыкнуліся з нашай планетай 26 астэроідаў у перыяд з 2000 да 2013 года, піша "Корреспондент".

"Гэта паказвае, што ўдар астэроідаў не рэдкасць, а здараецца да дзесяці разоў часцей, чым лічылася раней", - паведаміў Эдвард Лу, чалец B612 Foundation - арганізацыі, якая праводзіла гэтае даследаванне.

Ён дадаў, "факт, што ніводзін з астэроідаў, паказаных на відэа, не быў знойдзены загадзя, даказвае, што толькі "сляпы поспех" беражэ нас ад катастрофы, якую можа ўчыніць астэроід-забойца".