Сепаратысты выхваляюцца гранатамётамі і артылерыйскай устаноўкай

У распараджэнні тэрарыстаў у Славянску маюцца аўтаматы, кулямёты, паляўнічыя стрэльбы, а таксама гранатамёты, МЗД і самаходная артылерыйская ўстаноўка «Нона».

Пра гэта лідар баевікоў Вячаслаў Панамароў распавёў у тэлефоннай размове з журналістам выдання slavgorod.com.ua.

«Але, хачу заўважыць і гэта яшчэ не ўсё, у нас ёсць маленькая таямніца, такі сюрпрыз», - падкрэсліў ён.

Па словах Панамарова, з боку БЗС дарога блакаваная баевікамі.

«Будзем пакуль стрымліваць, а там паглядзім, калі прарвуцца ў горад, то значыць, прарвуцца, мы іх і тут чакаем», - паведаміў лідар тэрарыстаў.

Раней сёння кіраўнік Мінабароны Расеі Сяргей Шайгу заявіў, што ў «атрадаў самаабароны» (тэрарыстаў у Славянску) ёсць «каля 100 адзінак аўтаматычнай зброі, у асноўным захопленай у раённых аддзелах міліцыі і Службы бяспекі, а таксама некалькі дзесяткаў гладкаствольнай паляўнічай зброі».

Нагадаем, з 12 красавіка адмінбудынкі горада Славянска занятыя ўзброенымі тэрарыстамі. Падчас правядзення антытэрарыстычнай аперацыі падраздзяленнямі Міністэрства ўнутраных спраў і Міністэрства абароны Украіны разблакаваныя і знішчаныя тры блокпоста незаконных узброеных фармаванняў у паўночна-усходняй частцы горада Славянск Данецкай вобласці. Па дадзеных МУС, падчас баявога сутыкнення да 5 тэрарыстаў было знішчана.

У Славянскім раёне з-за абвастрэння сітуацыі, выкліканай перастрэлкамі і ваеннымі дзеяннямі, спыненыя заняткі ў школах.

Фота: AP