Паўднёвая Карэя выпрабавала новыя балістычныя ракеты
1- 4.04.2014, 10:13
- 4,790
Паўднёвая Карэя правяла пуск новых балістычных ракет далёкасцю 500 кіламетраў.
Паўднёвая Карэя паспяхова правяла выпрабавальныя пускі балістычных ракет вялікай далёкасці, здольных паражаць мэты ў любым пункце на тэрыторыі суседняй КНДР, паведамляе ў пятніцу, 4 красавіка, агенцтва Рэнхап са спасылкай на крыніцы ў ваенных колах краіны.
Паводле інфармацыі крыніцы, 23 сакавіка Агенцтва ваенных распрацовак правяло пуск ракет далёкасцю 500 кіламетраў. Вага боезарада склала тону. Выпрабаванні прайшлі на палігоне ў павеце Тхэан правінцыі Чхунчхон-Намдо на захадзе Паўднёвай Карэі, перадае РІА Новости.
"Ракеты з дакладнасцю трапілі ў прызначаную мэту", - дадала крыніца агенцтва.
Нагадаем, 31 сакавіка Паўночная і Паўднёвая Карэі абмяняліся артылерыйскімі залпамі непадалёк ад паўднёвакарэйскай выспы Пэнэндо. Артылерыйскі снарад, выпушчаны з боку КНДР падчас артылерыйскіх вучэнняў, трапіў у тэрытарыяльныя воды Паўднёвай Карэі, улады краіны прынялі рашэнне адкрыць агонь у адказ.
Улады Паўднёвай Карэі абвясцілі аб эвакуацыі жыхароў выспы Пэнэндо. Дадзеных аб пацярпелых або разбурэннях пакуль не паступала.
Фота: РІА «Новости»