Станіслаў Бялкоўскі: Пуцін яшчэ сам не ведае, ці будзе зрываць выбары ва Украіне

Гэта залежыць і ад таго, як будзе паводзіць сябе Кіеў.

Расейскі палітолаг, сацыёлаг, публіцыст і палітычны кансультант Станіслаў Бялкоўскі лічыць, што расейскі прэзідэнт ўсе рашэнні прымае ў апошні момант, піша gordonua.com.

"Ад Пуціна можна чакаць чаго заўгодна", - заявіў Станіслаў Бялкоўскі. Палітолаг лічыць, што галоўны прыярытэт для расейскага прэзідэнта - свабода манеўру.

"Ад Пуціна можна чакаць чаго заўгодна, таму што ён усё рашэнні прымае ў апошні момант. Для яго самае галоўнае - захоўваць рукі развязанымі, захоўваць вялікую прастору для манеўраў і прыняцця рашэнняў. Ці стане ён перашкаджаць украінскім выбарам, не ведае нават ён сам. Але не выключана, што стане", - сказаў Бялкоўскі.

Гэта залежыць ад таго, ці будуць выкананыя ўмовы Пуціна ў частцы прадастаўлення рускай мове статусу другой дзяржаўнай і федэралізацыі Украіны, кажа кансультант: "Калі яны будуць праігнараваныя, я не выключаю любых аварыйных сцэнароў, тым больш што Пуцін па-ранейшаму курыруе Януковіча як нібыта легітымнага прэзідэнта Украіны".

Пуцін пры гэтым адносіцца да Януковіча грэбліва - пра гэта, на думку Бялкоўскага, кажа месца правядзення ўсіх прэс-канферэнцый. Гэта не Масква, а Растоў-на-Доне: "Але фармальна Януковіч застаецца ў вачах Крамля легітымным прэзідэнтам, таму ён можа быць выкарыстаны для арганізацыі "турбулентнасці" на поўдні і ўсходзе Украіны, не выключаючы ўводу войскаў".

Бялкоўскі лічыць, што доўгатэрміновыя акупацыйныя дзеянні войскаў ва Украіне немагчымыя, таму што Крэмль да іх не гатовы. Пры гэтым Пуцін не вядзе прамы дыялог з Украінай, заяўляе палітолаг: "Ён вядзе дыялог з ЗША і Еўразвязам, імкнучыся паказаць ім , што ён - круты пацан, з якім трэба гаварыць на роўных. Украіна для яго з'яўляецца прасторай і падставай, каб гэта даказаць".

Нагадаем, 22 лютага Вярхоўная Рада Украіны прызначыла датэрміновыя выбары прэзідэнта Украіны на 25 траўня.