Акцёры мюзікла «Кароль Леў» зладзілі флэш-моб у самалёце (Відэа)
4- 4.04.2014, 13:35
- 7,104
Пасажыры аўстралійскага самалёта хорам выканалі кампазіцыю пад назвай «Кола жыцця».
На відэароліку паказаны спантанны флэш-моб перад узлётам лайнера з Брысбена ў Мэльбурн. Акцёры аўстралійскай версіі шоў «Кароль Леў» хорам выканалі кампазіцыю пад назвай «Кола жыцця», піша Life News.
Звычайныя пасажыры, якія ляцелі ў кампаніі са спевакамі, у нейкі момант нават сталі падпяваць, а ў завяршэнні кампазіцыі дружна апладзіравалі.
За тры дні гэты ролік на YouTube праглядзелі больш за 9 мільёнаў разоў. Як патлумачылі ўдзельнікі мюзікла, гэта прадстаўленне нават і не планавалася - проста акцёры былі ў цудоўным настроі, таму што радаваліся пачатку чарговага сезона шоў у Аўстраліі.