ТНМК прысвяцілі песню героям «Нябеснай сотні»
2- 4.04.2014, 15:47
- 9,147
Вядомы ўкраінскі калектыў ушанаваў памяць загінулых на Майдане.
Музыкі гурта «Танок на Майданi Конго» апублікавалі канцэртнае відэа з выступлення ў кіеўскім тэатры імя Франка разам з моладзевым акадэмічным сімфанічным аркестрам. Фагот і Фозі спявалі песню «Там, где ты теперь».
Гэтая кампазіцыя - фрагмент сумеснай праграмы «Сімфанічны хіп-хоп».
Нагадаем, пасля 18 лютага з месца абвастрэння сутыкненняў у цэнтры горада Кіева да брыгад экстранай медыцынскай дапамогі і ўстаноў аховы здароўя горада Кіева па медыцынскую дапамогу звярнуліся 1669 пацярпелых, 1108 з іх былі шпіталізаваныя.
На лячэнні ва ўстановах аховы здароўя Кіева па стане на 06.00 3 красавіка 2014 года знаходзіцца 128 чалавек.
Паводле аператыўных дадзеных, з 30 лістапада 2013 года загінула і памерла на тэрыторыі Украіны 103 чалавекі, якія бралі ўдзел у масавых акцыях пратэсту.