Дзярждума спрасціла атрыманне грамадзянства РФ
34- 4.04.2014, 18:31
- 24,868
Дзярждума прыняла ў другім і трэцім чытаннях закон, які прадугледжвае спрошчаны парадак атрымання расейскага грамадзянства.
Яно будзе даступна для тых замежнікаў, хто гаворыць па-расейску і чые бацькі жылі ў СССР, паведамляе BBC.
Спрошчанае расейскае грамадзянства ў адпаведнасці з новымі папраўкамі змогуць атрымаць носьбіты расейскай мовы, сваякі якіх па прамой узыходнай лініі раней пражывалі на расейскай тэрыторыі, альбо на тэрыторыі, якая адносілася да Расейскай імперыі ці СССР у межах сучаснай Расеі.
Закон прадугледжвае сумоўе, падчас якога будзе вызначацца ўзровень ведання расейскай мовы.
Замежнікі змогуць скарыстацца такой працэдурай пры ўмове адмовы ад наяўнага грамадзянства замежнай дзяржавы.
Фота: Reuters