Рада Еўропы абавязала Пуціна спыніць ваенныя дзеянні

Камітэт міністраў Рады Еўропы заклікаў Украіну і Расею забяспечыць захаванне прадпісанняў Еўрапейскага суда ў правах чалавека.

Пра гэта на брыфінгу паведаміў дырэктар дэпартамента інфармацыйнай палітыкі МЗС Украіны Яўген Перабійніс, паведамляе ЛІГАБізнесІнформ.

З ягоных слоў, гэта прадпісанне прадугледжвае абавязак Украіны і Расеі ўстрымацца ад якіх-небудзь ваенных дзеянняў, у выніку якіх могуць быць парушаныя правы грамадзянскага насельніцтва, уключаючы стварэнне рызыкі для іх жыцця і здароўя.

«Такое патрабаванне суда, падтрыманае камітэтам міністраў, набывае асаблівую актуальнасць у святле апошніх фактаў гвалту і парушэння правоў украінскай і крымска-татарскай суполак Крыма», - сказаў ён.

Са слоў Перабійніса, сітуацыю ва Украіне ў кантэксце ваеннай агрэсіі з боку Расеі камітэт міністраў Рады Еўропы разгледзеў 3 красавіка. У сваёй пастанове камітэт заявіў, што незаконны рэферэндум у Крыме і Севастопалі 16 сакавіка і супрацьпраўная анэксія Расеяй гэтай часткі тэрыторыі Украіны не могуць быць падставай для якой-небудзь змены іх статусу і дзяржаўна-прававой прыналежнасці.

Камітэт міністраў таксама даручыў кансультатыўнаму камітэту рамачнай канвенцыі Рады Еўропы ў абароне нацыянальных меншасцяў працягнуць маніторынг ва Украіне, уключаючы тэрыторыю Крыму.