Дзярждума РФ заступілася за «турыстаў Пуціна»

У расейскім парламэнце згадалі аб правах чалавека.

Дзярждума РФ прыняла заяву "Аб палітычных рэпрэсіях ва Украіне", за якую прагаласавалі 440 дэпутатаў. Пра гэта паведамляе УНІАН.

У заяве гаворыцца, што цяпер ва Украіне нібыта "свядома і паўсюдна абмяжоўваюцца свабода сходаў, свабода выказвання меркаванняў у палітычных пытаннях, свабода сродкаў масавай інфармацыі, зачыняюцца непажаданыя сродкі масавай інфармацыі".

"Палітычныя рэпрэсіі выключаюць магчымасць цывілізаванага развязання палітычнага крызісу ва Украіне. Неабгрунтаваны пераслед лідэраў апазіцыі, арышты палітычных дзеячаў на сумнеўных падставах ніяк не пасуюць да дэкларацыйных заяў цяперашніх украінскіх улад аб прыхільнасці дэмакратыі.

Таксама ў Дзярждуме заявілі, што ва Украіне ўзрастае ціск на расейскамоўных грамадзян "і асабліва на паўднёвым усходзе". Акрамя таго, расейскія дэпутаты мяркуюць, што "пад палітычныя рэпрэсіі падпадаюць расейскія суайчыннікі і тыя, хто выступаюць за супрацоўніцтва з Расеяй".

Расейскія дэпутаты патрабуюць ад украінскай улады "вызваліць усіх незаконна пераследваных лідэраў народнага пратэсту".

Акрамя таго, парламэнт краіны, уладу якой сусветнае супольнасць неаднаразова крытыкавала за парушэнні правоў чалавека, намагае "строгага захавання агульнапрызнаных прынцыпаў і нормаў міжнароднага права ў сфэры абароны правоў і вольнасцяў чалавека" ва Украіне.