Шварцэнэгера прызналі кінагероем стагоддзя

Таксама ўзнагароды атрымалі Том Круз, Джэймс МакЭвай, Эма Томпсан і Х'ю Джэкман.

У Лондане прайшла цырымонія ўзнагароджання лепшых актораў паводле версіі чытачоў выдання Empire Magazine. У катэгорыі «кінагерой стагоддзя» перамог былы губернатар Каліфорніі Арнольд Шварцэнэгер, паведамляе УНП.

Таксама адзначылі зорку фільмаў «Людзі Ікс» Х'ю Джэкмана, які атрымаў прыз у намінацыі «Абраз Empire».

Акрамя таго, узнагароду таксама атрымаў Том Круз, якога чытачы выдання назвалі «кіналегендай», а ў намінацыі «Герой Empire» перамогу атрымаў Сайман Пег.

Лепшым акторам быў прызнаны Джэймс МакЭвай, у намінацыі «Лепшая актрыса» перамагла Эма Томпсан, а прыз у катэгорыі «Лепшая новая зорка» атрымала Марго Робі, якая сыграла адну з галоўных роляў у стужцы Марціна Скарсэзэ «Воўк з Уол-Стрыт».

Узнагароды раздае выдавецкі дом часопіса Empire Magazine, а пераможцаў у некалькіх намінацыях вызначаюць шляхам чытацкага галасавання.