Кіраўнік СБУ распавёў, як і калі Януковіч збег з Украіны
17- 5.04.2014, 14:16
- 35,773
Віктар Януковіч збег з Украіны ў ноч з 22 на 23 лютага праз Севастопаль.
Пра гэта паведаміў старшыня СБУ Валянцін Налівайчанка. Пра гэта ён сказаў у эфіры Першага нацыянальнага тэлеканала, піша «Карэспандэнт».
«Яго праз Севастопаль вывезлі», - сказаў кіраўнік СБУ, не ўдакладніўшы, якім менавіта транспартам, аднак адзначыўшы, што Віктара Януковіча суправаджалі, у тым ліку, грамадзяне Расеі. Са слоў Налівайчанкі, а 19:00 22 лютага ён разам з (на той момант) выканаўцам абавязкаў міністра ўнутраных спраў Арсенам Авакавым вылецеў з Кіева ў Сімферопаль, каб затрымаць уцекача.
Паводле інфармацыі старшыні СБУ, а 19:20 картэж Януковіча, які накіроўваўся на адну з рэзідэнцый, памяняў маршрут, адмовіўся ад суправаджэння супрацоўнікаў Упраўлення дзяржаўнай аховы і з трыма аўтамабілямі рушыў у Севастопаль, адкуль пазней перабраўся ў Расею.
Раней паведамлялася, што Украіне не варта разлічваць на экстрадыцыю Януковіча з Расеі.