Даішнікі стрэламі спынілі кіроўцу пад «спайсам» у Менску

Учора ўвечары ў паўднёвай частцы сталіцы вёўся пераслед Ford Escort.

Падчас пагоні кіроўца неаднаразова парушаў ПДР, пашкодзіў службовую машыну ДАІ і ледзь не збіў інспектара. Была прынятая пастанова ўжыць табельную зброю, паведамілі ў ДАІ Кастрычніцкага раёна, піша onliner.by.

«А 22:30 на вуліцы Казінца, каля скрыжавання з вул. Кіжаватава, інспектары паспрабавалі спыніць гэты аўтамабіль, аднак кіроўца праігнараваў патрабаванне, развярнуўся праз двайную суцэльную лінію разметкі і стаў хавацца», - распавяла старэйшы інспектар у агітацыі і прапагандзе ДАІ раёна Вольга Прышчэпа.

Пачаўся пераслед, які працягнуўся ў прыватным сектары, на вуліцы Берасцейскай, вуліцы Чарнігаўскай і іншых.

«У нейкі момант Ford выехаў на вул. Кіжаватава. Там стаў рухацца заднім ходам і пашкодзіў службовы аўтамабіль ДАІ, а затым ледзь не збіў інспектара, - дапоўніла Вольга Прышчэпа. - Да гэтага часу да пераследу далучыўся другі экіпаж. Калі не было пагрозы для бяспекі навакольных, інспектары адкрылі стральбу».

Паводле звестак ДАІ, было зроблена спачатку тры папераджальныя стрэлы ў паветра, а потым пяць - па аўтамабілі.

«Тройчы ўдалося трапіць у пярэдняе кола і адзін раз - у задняе, - дапоўніла Вольга Прышчэпа. - Толькі пасля гэтага аўтамабіль спыніўся. Аказалася, што кіраваў Ford малады чалавек (1989 г. н.). У яго назіраліся прыкметы наркатычнага ап'янення. У машыне знайшлі нейкую раслінную сумесь, якую перадалі на экспертызу. Кіроўца ад медыцынскага сведчання, адмовіўся, у гэтым выпадку наступаюць такія ж штрафныя санкцыі, як за кіраванне аўтамабілем у п'яным выглядзе».

Зрэшты, у затрыманага і так няма правоў. У 2011-м годзе яго пазбавілі іх за нецвярозую язду. Пасля гэтага ён пасведчанне не атрымліваў, але неаднаразова затрымліваўся.

Фота: www.av.by