Forbes: Абаме варта асвяжыць у памяці стратэгію Рэйгана

План адміністрацыі Рэйгана заключаўся ў тым, каб збанкрутаваць савецкую эканоміку. І гэты план спрацаваў.

У свеце працягваюць абмяркоўваць украіна-расейскі крызіс, актыўнымі удзельнікамі якога сталі не толькі ЗША, але і іншыя краіны свету. Пакуль інтэрнэт-супольнасць спрачаецца аб тым, якім павінен быць адказ ЗША на захоп Крыма Уладзімірам Пуціным, адміністрацыі Барака Абамы варта асвяжыць у памяці тыя геапалітычныя схемы, якімі скарыстаўся Рональд Рэйган, калі Расея паспрабавала аказаць ціск пры дапамозе сваёй энергетычнай палітыкі ў значна больш напружанай сітуацыі, піша выданне Forbes (пераклад - Forbes (перевод — замежным СМІ)

Разгледзім гэты крызіс. Расея анексавала Крым, украінскі цеплаводны порт і найважнейшы ўчастак, які ўплывае на здольнасць Расеі экспартаваць нафту і газ у Еўропу і іншыя краіны свету. Экспарт энергарэсурсаў застаецца асновай расейскай эканомікі і найважнейшай крыніцай прыбытку. Да гэтага моманту Захад не зрабіў практычна нічога, што магло б перашкодзіць незаконнаму захопу ўкраінскіх баз вайскоўцамі Пуціна. ЗША звярнуліся ў Раду бяспекі ААН, каб заклікаць Расею да адказу за парушэнне міжнароднага права, аднак Расея скарысталася сваім правам вета, пазбавіўшы, такім чынам, Раду бяспекі магчымасці распачаць якія-небудзь дзеянні. Паколькі многія еўрапейскія краіны залежаць ад расейскіх энергарэсурсаў, ЗША змаглі знайсці ўсяго некалькі партнёраў, нягледзячы на слоўную падтрымку з боку многіх іх саюзнікаў.

А цяпер давайце ўспомнім, як Рэйган здолеў справіцца з мінулымі спробамі Расеі выкарыстаць энергарэсурсы ў якасці геапалітычнага інструмента і накіроўваць даходы ад іх продажу на фінансаванне сваіх імперскіх амбіцый. Падобна сучаснай Расеі, Савецкі Саюз выкарыстаў нафту і газ у якасці крыніцы даходу, што накіроўвалася на падтрымку савецкай эканомікі. Тады Рональд Рэйган адпусціў цэны на нафту, каб яны пачалі падаць, істотна знізіўшы даходы савецкай дзяржавы ва ўстойлівай валюце.

Гэты крок прывёў да таго, што ў 1984 годзе цэны на нафту ўпалі з 60 даляраў за барэль да 10. Дапамагло таксама і тое, што Рэйган супрацоўнічаў з такімі нашымі партнёрамі, як манарх Саудаўскай Аравіі, кароль Фахд, які дапамог яму напоўніць сусветны рынак нафтай, выцесніўшы Савецкі Саюз.

Больш за тое, у Рэйгана быў стратэгічны план, які распрацавала каманда экспертаў у галіне нацыянальнай бяспекі. Як гаворыцца ў рассакрэчаных дакументах NSDD 32 і NSDD 75, адміністрацыя Рэйгана звярнулася да эканамічнага ціску, каб дэстабілізаваць СССР. Прасцей кажучы, іх план складаўся ў тым, каб збанкрутаваць савецкую эканоміку. І гэты план спрацаваў.

Адміністрацыя Абамы можа і павінна прытрымлівацца падобнай стратэгіі, разлічанай на тое, каб максымізаваць аб'ёмы здабычы амерыканскіх энергарэсурсаў за кошт Расеі.