Луганскае кіраванне СБУ захоплена сепаратыстамі
16- 6.04.2014, 17:25
- 21,657
У Луганску сепаратысты штурмам захапілі СБУ, выбіўшы ў будынку дзверы і вокны.
Пра гэта паведамляе выданне «Усходні варыянт».
«Мітынгоўцы прабраліся на другі паверх і пачалі ламаць вокны велізарнымі цаглінамі. Некалькі «актывістаў» забраліся на карніз будынка. Ля ўваходу ў будынак валіць дым: пайшлі ў ход дымавыя шашкі. Таксама на месца прыбыў рэанімабіль», - гаворыцца ў паведамленні.
Раней мітынгоўцы закідалі будынак СБУ яйкамі і пластыкавымі бутэлькамі. Натоўп скандаваў прарасейскія лозунгі.
Нагадаем, сёння ў Луганску прайшоў сепаратысцкі аўтапрабег і мітынг у падтрымку федэралізацыі Украіны. Акцыі, якія мільгаюць расейскімі сцягамі і георгіеўскімі стужкамі, арганізавалі арганізацыі «Луганская гвардыя», «Народна-вызваленчы рух» і «Расейскае адзінства».