Палякі шукаюць нафту ў водах Літвы
5- 6.04.2014, 18:00
- 8,902
Адна з самых актыўных польскіх кампаній у пошуку і эксплуатацыі нафты ў Балтыйскім моры група «Лотас» з Гданьска спадзяецца весці пошук нафты ў водах Літвы.
Такое меркаванне выказаў віцэ-старшыня кампаніі Збігнеў Пашкоўскі.
З ягоных слоў, канцэрн ужо вядзе перамовы з урадам Літвы з нагоды магчымасці вядзення пошуку нафты ў літоўскіх водах Балтыйскага мора.
«Пакуль што літоўцы не прызначылі ніякіх тэрмінаў, аднак у нас ёсць надзея, што пасля 2-3 гадоў мы вернемся да гэтай тэмы», - цытуе словы віцэ-старшыні кампаніі польскае агенцтва PAP, якое бярэ ўдзел у арганізаванай агенцтвам дыскусіі «Пастаўкі нафты і газу і бяспека Польшчы».
У Lotos Petrobaltic у Балтыйскім моры ўжо ёсць тры платформы бурэння. Іх найноўшая тэхніка дазваляе весці бурэнне на глыбіні 105 метраў пад вадой.