Экспэрты: Да траўня сітуацыя на ўсходзе Украіны будзе пагаршацца

Палітычны аналітык Павел Нус мяркуе, што імавернасць зрыву выбараў Прэзідэнта Украіны, якія павінны адбыцца 25 траўня, складае 50%.

"Ужо сёння рэзідэнты Крамля ва Украіне пачалі падрыхтоўку плацдарма для зрыву выбарчага працэсу. На фоне пагрозы сепаратызму, зацікаўленыя палітычныя сілы будуць спрабаваць увесці надзвычайнае становішча для недапушчэння правядзення прэзідэнцкіх выбараў, каб не дапусціць перамогі непрарасейскага кандыдата Пятра Парашэнкі", - мяркуе экспэрт.

На ягоную думку, "бліжэй да траўня сітуацыя на ўсходзе краіны будзе пагаршацца і мітынгі федэралізацыі пачашчацца менавіта для ўвядзення надзвычайнага становішча", паведамляе УНП.