Міліцыя Луганска прыведзеная ў стан баявой гатоўнасці
1- 7.04.2014, 10:53
- 8,560
Міліцыя Луганска прыведзеная ў стан баявой гатоўнасці, перакрыла ўсе пад'езды ў горад.
Пра гэта гаворыцца ў паведамленні прэс-службы ўпраўлення Міністэрства ўнутраных спраў у Луганскай вобласці.
"Асабісты склад луганскай міліцыі знаходзіцца ў стане баявой гатоўнасці. Работнікамі ДАІ перакрытыя ўсе пад'езды горада Луганска", - адзначаецца ў паведамленні.
Праводзяцца аператыўна-вышуковыя мерапрыемствы па ўстанаўленні асоб, якія мелі дачыненне да крымінальнага правапарушэння - захопаў будынка СБУ.
Як паведамлялася, удзельнікі прарасейскага мітынгу ўзялі штурмам будынак упраўлення СБУ ў Луганскай вобласці, выбіўшы дзверы, пасля чаго прабраліся на другі паверх і пачалі ламаць вокны.
Гарадская пракуратура адкрыла крымінальную вытворчасць па факце масавых беспарадкаў.