На польска-беларускай мяжы затрымалі рэкордную кантрабанду цыгарэт
7- 7.04.2014, 11:30
- 12,252
Польскія мытнікі спынілі кантрабанду тытунёвых вырабаў на 240 тысяч даляраў.
Супрацоўнікі Мытнага камітэта ў Белай Падлясцы і Памежнай службы Цярэспаля абшукалі таварны цягнік паведамлення Брэст-Кабыляны. У адным з вагонаў пад бярвёнамі была выяўленая 121 кардонная скрынка, загорнутая ў чорны поліэтылен. У іх знаходзілася 60,5 тыс. пачкаў цыгарэт з беларускімі акцызнымі знакамі, кошт якіх ацэнены ў 720 тыс. злотых (240 тыс. даляраў), паведамляе прэс-служба Мытнага камітэта ў Белай Падлясцы (пераклад - charter97.org).
Гэта самая вялікая кантрабанда тытунёвых вырабаў, спыненае ў Люблінскім ваяводстве ў гэтым годзе.