Прапагандыста Кісялёва не пусцілі ў Нарвегію
50- 7.04.2014, 12:11
- 34,242
Расейскага журналіста, рупара Крамля Дзмітрыя Кісялёва не пусцілі ў Нарвегію, куды ён з сям'ёй ездзіў адпачываць.
Пра гэта паведаміла ў «Фэйсбуку» Тамара Адольфсан, спасылаючыся на шведскую газету Aftonbladet.
Паводле яе слоў, Кісялёў не атрымаў візу на ўезд.
«Як 100-адсоткавы сябра Нарвегіі я не магу зразумець гэтага рашэння. Думаю, што гэта было вельмі неабдумана! Санкцыі Еўрапейскага Звяза і Нарвегіі накіраваныя супраць свабоды слова», - абурыўся Дзмітрый Кісялёў, словы якога прыводзіць выданне.
Нагадаем, 16 сакавіка ў Крыме адбыўся так званы «рэферэндум» па пытанні аб статусе Крыма. Кіраўнік камісіі Вярхоўнага Савета па арганізацыі «рэферэндуму» Міхаіл Малышаў заявіў, што за ўз'яднанне з РФ на «рэферэндуме» ў Крыме прагаласавалі 96,6% жыхароў.
ЗША і Еўразвяз адмовіліся прызнаваць вынікі крымскага «рэферэндуму» і ўвялі санкцыі ў дачыненні да шэрагу расейскіх бізнесменаў і чыноўнікаў, замарозіўшы іх актывы за мяжой і наклаўшы візавыя абмежаванні. Дзмітрый Кісялёў таксама трапіў у «чорны спіс» ЕЗ.