СБУ не пацвердзіла вяртанне Януковіча
3- 7.04.2014, 12:19
- 5,144
Служба бяспекі Украіны не пацвярджае знаходжанне Віктара Януковіча ў Данецку.
Пра гэта паведамілі ва ўпраўленні СБУ ў Данецкай вобласці, перадае РБК-Украина.
"Па лініі СБУ такая інфармацыя не праходзіла", - адзначылі ва ўпраўленні.
Раней у акаўнце ў сеткі "Твітэр", аформленым на самаабвешчанага прэм'ера Крыма Сяргея Аксёнава, з'явілася інфармацыя: "Януковіч у Данецку. Чакаем пацверджання".
Пра вяртанне былога прэзідэнта раней заявілі сепаратысты на мітынгу ў Харкаве.
6 красавіка на ўсходзе Украіны прайшлі правакацыі. У прыватнасці, прарасейскія актывісты захапілі абласныя адміністрацыі ў Данецку і Харкаве. У Луганску штурмам узялі СБУ і захапілі філіял Нацбанка. Таксама быў захоплены будынак СБУ і ў Данецку.
Нагадаем, 21 лютага Януковіч уцёк з Украіны ў Расею.
Фота: Reuters