Асад заявіў, што ён «не Януковіч» і нікуды не з'едзе з краіны

Кіраўнік Сірыі Башар Асад сцвярджае, што не ўцячэ з краіны.

Пра гэта паведаміў у панядзелак журналістам старшыня Імператарскага праваслаўнага палестынскага таварыства (ІППТ) Сяргей Сцяпашын, перадае УНІАН.

Сцяпашын на мінулым тыдні ў ходзе паездкі ў Сірыю сустрэўся з Башарам Асадам. Па словах Сцяпашына, сірыйскі лідар прасіў яго перадаць прэзідэнту РФ Уладзіміру Пуціну, што не мае намеру кіравацца "прыкладам" кіраўніка Украіны Віктара Януковіча, які ў цяжкі момант пакінуў краіну.

"Перадайце Уладзіміру Уладзіміравічу (Пуціну), што я не Януковіч, я нікуды не паеду", - прывёў Сцяпашын словы Асада. "Перадаю, праз вас", - дадаў Сцяпашын, звяртаючыся да журналістаў.

Нагадаем, тры гады таму ў Сірыі пачаліся антыўрадавыя выступленні, якія перараслі ў грамадзянскую вайну. Пачынаючы са снежня мінулага года, у СМІ неаднаразова з'яўляліся паведамленні аб выкарыстанні хімічнай зброі арміяй краіны супраць паўстанцаў.