Польшча выдаткуе $2 мільёна на новыя мінамёты

Інспектарат узбраенняў Польшчы заключыў кантракт на пастаўку 108 мінамётаў LM-60D Pluton калібра 60 міліметраў.

Іх вытворчасцю зоймецца польская кампаніяй Zaklady Mechaniczne Tarnow паведамляе Jane's. Сума ўгоды склала восем мільёнаў злотых (1,9 мільёна даляраў). Па ўмовах пагаднення, пастаўка мінамётаў будзе ажыццяўляцца на працягу 2014-2017 гадоў, піша Lenta.ru.

Іншыя падрабязнасці адносна падпісанага кантракта не ўдакладняюцца. Мінамёты LM-60D былі прынятыя на ўзбраенне Польшчы ў 2002 годзе. З тых часоў польскія вайскоўцы атрымалі ў агульнай колькасці 268 такіх гармат. Сямейства LM-60 складаецца з мінамётаў трох тыпаў: стандартнага LM-60D, палегчанай версіі LM-60K для спецпадраздзяленняў і LM-60KC са ствалом з кампазіцыйных матэрыялаў.

Польскія мінамёты прыдатныя для вядзення агню толькі боепрыпасамі калібра 60 міліметраў польскай жа распрацоўкі: стандартнымі аскепкава-фугаснымі O-LM60 , дымавымі D-LM60, асвятляльнымі S-LM60 і інфрачырвонымі асвятляльнымі LM60-IR. Вытворчасцю боепрыпасаў займаецца кампанія Zaklady Mechaniczne Dezamet.

Фота: altair.com.pl