Нікалаеўскі Майдан разагнаў сепаратыстаў (Відэа)

Лагер сепаратыстаў у Нікалаеве, у якім знайшлі зброю, разабраны.

Скандуючы "Слава Украіне!", актывісты Самаабароны Майдана і Народнага апалчэння Нікалаева адагналі прыхільнікаў прарасейскага мітынгу ад будынка Нікалаеўскай абласной дзяржаўнай адміністрацыі да звыклага месца сепаратыстаў - помніка героям Альшанцам, а пасля разагналі іх мітынг і разабралі намётавы лагер, які стаяў тут з 25 лютага.

У ходзе разборкі лагера на месцы аднаго з намётаў быў знойдзены пісталет і пара паляўнічых нажоў. Некалькі сотняў актывістаў з боку Майдана падышлі ўшчыльную да мемарыяльнага комплексу героям-Альшанцам. Яны патрабавалі ад прарасейскіх мітынгоўцаў самастойна прыбраць свой намётавы лагер ад помніка, інакш заявілі, што зробяць гэта самі.

Некаторы час супрацоўнікі праваахоўных органаў не занадта шчыльным кардонам размяжоўвалі два бакі. Калі ў тыле лагера сепаратыстаў падышла падмога з боку абласной дзяржаўнай адміністрацыі, прарасейскія актывісты апынуліся акружанымі.

На працягу некалькіх хвілін Майдан разагнаў іх скандуючы "Слава Украіне!" і прыступіў да разборкі лагера. Каментуючы свае дзеянні журналістам актывісты Майдана паведамілі, што прыйшлі на суботнік і прыбіраюць сквер ад смецця.