Адэса рыхтуецца да высадкі расейскага дэсанту
3- 8.04.2014, 16:23
- 16,832
Супрацоўнікі Дзяржпамежслужбы Украіны ўладкоўваюць абарончыя збудаванні на ўзбярэжжы.
У прыватнасці, як паведаміў інфармагенцтву «Траса Е-95» адзін з відавочцаў, яны, мяркуючы па ўсім, капаюць акопы. У прэс-службе Паўднёвага рэгіянальнага ўпраўлення Дзяржпамежслужбы пацвердзілі, што, сапраўды, цяпер праводзіцца шэраг мерапрыемстваў па ўзмацненні абараназдольнасці на мяжы, у тым ліку, на ўзбярэжжы.
«Усе мерапрыемствы праходзяць у рамках плана дзеянняў узмоцненага варыянту нясення службы з улікам сітуацыі ў краіне», - паведамілі ў прэс-службе.
Пры гэтым якіх-небудзь іншых падрабязнасцяў у прэс-службе паведаміць не змаглі.
Раней суполка «Інфармацыйны супраціў» у чарговы раз папярэдзіла аб тым, што расейскія войскі могуць рыхтаваць высадку дэсанта ў Адэскай і Херсонскай абласцях.
«Напярэдадні вечарам у Севастопальскай бухце былі ідэнтыфікаваныя гатовыя да загрузкі восем расейскіх караблёў (галоўным чынам - дэсантных). Асабісты склад і ўзбраенне пакуль не загружаюцца. Але мы б больш уважліва паставіліся да магчымай высадкі расейскага дэсанта з мора ў Херсонскай і Адэскай абласцях», - адзначаецца ў паведамленні.
Пры гэтым суполка дадае, што такі варыянт развіцця падзей «даволі малаверагодны».