Пранкер Vovan паўстане перад судом за званок Валачковай
11- 8.04.2014, 21:10
- 36,219
Расейская балерына Анастасія Валачкова падала ў суд на пранкера, вядомага пад імем Vovan.
Майстар тэлефонных розыгрышаў ёй прадставіўся памочнікам сур'ёзнага і вядомага бізнэсоўцы. Затым маладзён прапанаваў артыстцы зладзіць дабрачынны канцэрт, адзначыўшы, што перад канцэртам Анастасіі Валачкавай трэба будзе сустрэцца з бізнэсоўцам у нефармальнай абстаноўцы для перамоваў і абмеркавання розных дэталяў выступу. У выніку, мяркуючы з аўдыёзапісу, балерына, амаль не раздумваючы, пагадзілася папарыцца ў лазні з незнаёмым бізнэсоўцам.
Такі правакацыйны запіс, вядома ж, кінуў цень на і без таго скандальную рэпутацыю зоркі. Неадкладна Анастасія Валачкова звярнулася да юрыста, піша postimees.ee.
Артыстка сцвярджае, што гутарка была зусім пра іншае, а пад яе адказы проста паставілі зусім іншыя пытанні. Так, з ейных слоў, на пытанне, ці пагодзіцца каманда балерыны пераязджаць не на цягніку, а на аўтобусе, быў яе адказ: «Так, вядома, без праблем». У выніку ж ён быў пакладзены на зусім іншае пытанне пра лазню.
Адвакат балерыны сцвярджае, што пранкеру можа пагражаць штраф да мільёна рублёў за паклёп.