«Правы сектар» едзе ў Луганск, Данецк і Харкаў
20- 9.04.2014, 9:40
- 14,689
Прадстаўнікі арганізацыі заявілі пра свой намер выехаць у абласныя цэнтры Усходняй Украіны.
Пра гэта ў эфіры тэлеканала 112 Украіна паведаміў старшыня Сацыял-нацыянальнай асамблеі (СНА), сябра палітрады "Правага сектара" Ігар Крываручка.
"Я так жа, як і спадарыня Алена Бандарэнка (народны дэпутат ад Партыі рэгіёнаў), захваляваўся за яе выбаршчыкаў на Данбасе, таму магу запэўніць, што мы сёння выязджаем ў Луганск, Харкаў і Данецк", - адзначыў Крываручка.
Паводле яго слоў, "любімы горад" экс-прэзідэнта Віктара Януковіча будзе спаць спакойна.
"Зараз у нас дзве ночы было - гэта быў Нікалаеў і Адэса. Байцы "Патрыёта Украіны" і Сацыял-нацыянальнай асамблеі цалкам адбілі і пакінулі пад кантролем улады Адэскую і Нікалаеўскую АГА. Зараз выязджаем у Данецк, Луганск і Харкаў", - падкрэсліў актывіст.
Нагадаем, 6 красавіка ў Луганску, Харкаве і Данецку агрэсіўныя малойчыкі з прарасейскімі лозунгамі здзейснілі спробы захапіць органы дзяржаўнай улады.