Сепаратысты з палкамі зноў спрабавалі прарвацца на тэлеканал «Донбасс» (Відэа)
5- 9.04.2014, 11:01
- 10,567
Хлопцы ў масках скандавалі «Расея» і патрабавалі даць ім прамы эфір.
Учора прарасейскія актывісты зноў паспрабавалі прарвацца на тэлеканал «Донбасс» . Каля 22:00 каля цэнтральнага ўваходу ў будынак сабралася прыкладна паўсотні чалавек. Некаторыя з іх былі ў масках, з палкамі ў руках і арматурай. Актывісты скандавалі «Расея» і патрабавалі даць ім прамы эфір. У выпадку адмовы - паабяцалі разбіць шкло ў будынку і прывесці групу падтрымкі з дзвюх тысяч чалавек, піша segodnya.ua.
Трапіць на тэрыторыю тэлеканала ім не ўдалося. Дарогу пікетоўцам перагарадзіў кардон міліцыі, пасля чаго натоўп пайшоў да бакавых уваходаў будынка.
Нагадаем, што ў панядзелак група мітынгоўцаў двойчы паспрабавала прарвацца на тэлеканал «Донбасс».