Расейскі журналіст: Мне аднаму страшна, што Украіна нам не даруе?

Пасля анэксіі Крыма расейцы пачалі задумвацца пра будучыню расейска-украінскіх адносінаў.

Маскоўскі журналіст Аркадзь Бабчанка на сваёй старонцы ў «Фэйсбуку», прызнаўся, што яму страшна ад таго, што ўкраінцы ніколі не даруюць Расеі за дзесяцігоддзі варожай палітыкі ў дачыненні да іх краіны.

Нагадаем, пачынаючы з нядзелі, у трох усходніх рэгіёнах Украіны - Данецкай, Луганскай і Харкаўскай абласцях - працягваюцца правакацыі, арганізатарамі якіх выступілі «турысты», якія прыехалі з Расеі, мясцовыя крымінальныя элементы і прыхільнікі Віктара Януковіча, які ўцёк з краіны.