Прэзідэнт Аўстрыі: Экстрадыцыі Януковіча трэба дамагацца праз суд
3- 9.04.2014, 16:27
- 5,304
Пытанне аб экстрадыцыі былога прэзідэнта Віктара Януковіча ва Украіну павінна вырашацца выключна ў судовым парадку.
Пра гэта заявіў федэральны прэзідэнт Аўстрыйскай Рэспублікі Хайнц Фішэр на сесіі ПАРЕ ў Старсбургу 9 красавіка, піша korrespondent.net.
Паводле яго слоў, для гэтага Украіне варта падаць адпаведны запыт у Расею, судовыя органы гэтай краіны павінны разгледзець яго і прыняць адпаведнае рашэнне.
Каментуючы магчымасць уплыву на гэты працэс Рады Еўропы, Фішэр падкрэсліў, што гэты орган можа толькі назіраць за развіццём працэсу. «Я не думаю, што мы можам зрабіць што-небудзь па-за судовымі рамкамі», - адзначыў ён.
За прыклад выканання дэмакратычных стандартаў і двухбаковых дамоўленасцяў Фішэр прывёў вопыт Аўстрыі ў выпадку працэдуры экстрадыцыі ўкраінскага бізнесмена Дзмітрыя Фірташа ў ЗША в США. «Упаўнаважаныя судовыя органы нашай краіны атрымалі адпаведны запыт, разгледзелі яго і прынялі адпаведнае рашэнне. Федэральны прэзідэнт Аўстрыйскай Рэспублікі не ўмешваецца ў рашэнне судовых органаў», - сказаў ён.
Раней расейскі тэлеканал НТВ паведамляў, што магчымы запыт з Кіева аб выдачы чацвёртага прэзідэнта Украіны Віктара Януковіча, які абвешчаны ў вышук украінскай уладай, не можа быць задаволены расейскім бокам.