У Магілёве па традыцыі ўкладвалі асфальт у лужыны (Відэа)

Беларускія дарожнікі застаюцца вернымі сваім «тэхналогіям».

Тэхналогіі дапускаюць кладку свежага асфальту пры тэмпературы вышэй +5 градусаў на вільготнае падножжа, але не на мокрае.

Магілёвец Антон стаў відавочцам, як дарожнікі працавалі ва ўмовах, калі ўзровень вады ў лужынах даходзіў да шчыкалаткі. Але і гэта іх не спыніла ад выканання пастаўленай задачы. Мужчына зафіксаваў працэс на відэа, праўда, дамагчыся тлумачэнняў так і не ўдалося: яго, мякка кажучы, папрасілі не здымаць, піша onliner.by.

Па словах Антона, учора, калі быў зроблены запіс, дарожнікі не скончылі працу. Лужыны не высахлі, а завяршыць пачатае работнікам усё роўна прыйдзецца ў бліжэйшы час. Самі супрацоўнікі дарожных службаў часцей за ўсё тлумачаць падобныя інцыдэнты наступным чынам: «Іншых варыянтаў у нас няма. І так вялікая колькасць заяваў у ДАІ ляжыць».