Беларусы змогуць ездзіць у Крым са спецдазволам
76- 22.05.2014, 20:01
- 46,241
Уехаць на акупаваны Расеяй паўвостраў з мацерыковай частцы Украіны цяпер будзе не так проста.
Увайшоў у дзеянне закон «Аб забеспячэнні правоў і свабод грамадзян і прававога рэжыму на часова акупаванай тэрыторыі Украіны», і ўжо ўезд замежнікаў у Крым дапускаецца толькі са спецыяльным дазволам праз кантрольныя пункты ўезду - выезду, піша «Комсомольская правда в Беларуси».
Улічваючы тое, што аўтобусы і цягнікі з Беларусі ў Крым ідуць праз тэрыторыю мацерыковай Украіны, у беларускіх адпачывальнікаў узнікнуць праблемы. А ехаць у Крым праз Расею з Беларусі доўга ды і дорага.
Калі прабірацца да мора нелегальна, то за парушэнне правілаў ўезду на тэрыторыю Крыма і выезду з яе можна атрымаць штраф або арышт да 15 дзён.
Атрымаць інфармацыю ў Кабінеце міністраў Украіны аб тэрмінах распрацоўкі і ўводу ў дзеянне спецыяльных пропускаў спрабаваў БелаПАН, але пакуль гэта зрабіць не ўдалося.