Маштабны пажар у Менску: слуп дыму быў бачны за кіламетры

У Менску гарэў прыватны сектар.

У 15.30 у раёне плошчы Бангалор стаяў вялікі слуп дыму. Выявілася, што гарыць прыватны дом на вуліцы Камароўскае кальцо. Тушыць агонь прыехалі тры пажарныя машыны. Прычына ўзгарання пакуль невядомая. Магчыма, праводка. Дом быў жылы, піша «Камсамольская праўда ў Беларусі».

- Як свечка ўспыхнуў. За 10 хвілін усё згарэла, нічога не засталося, - у шоку распавядаюць суседзі. - Цудам агонь на нашыя хаты не перакінуўся.