Віталь Коваль пакінуў ніжагародскае «Тарпеда»
- 4.06.2014, 13:08
- 4,840
Кантракт беларускага галкіпера з клубам быў скасаваны па ўзаемнай згодзе бакоў.
Хакеіст выступаў у складзе ніжагародскай каманды з 2011 года, за гэты час ён правёў 111 матчаў у рэгулярным чэмпіянаце КХЛ і Кубку Гагарына, піша «Прессбол».
«Мы дзякуем Віталю Ковалю за тую цудоўную гульню, якую ён дэманстраваў у складзе «Тарпеда» і тыя поспехі, якіх каманда з яго дапамогай змагла дамагчыся. Яго натхнёныя дзеянні ў варотах на працягу рэгуляркі і плэй-оф сезона-2011/12, а таксама абсалютная незаменнасць ужо ў наступным годзе сталі ўвасабленнем вядомай прымаўкі пра тое, што брамнік у хакеі - гэта палова каманды. Аднак спецыфіка хакейнага жыцця такая, што ў пэўны момант змена становішча з'яўляецца найлепшым рашэннем як для гульца, так і для каманды. Менавіта такі момант надышоў цяпер. Ад імя хакейнага клуба «Тарпеда» я дзякую Віталю за высокую якасць працы, якую ён дэманстраваў у нашым складзе і жадаю яму новых поспехаў у далейшай хакейнай кар'еры», - заявіў гендырэктар клуба Віктар Харытонаў.