СБУ заблакавала банкаўскія рахункі тэрарыстаў

Службай бяспекі Украіны выяўленая і перакрытая крыніца фінансавання тэрарыстычнай дзейнасці ў Данбасе.

Пра гэта гаворыцца ў паведамленні прэс-службы ведамства.

«Так, актывістам радыкальнай арганізацыі «Луганская гвардыя» жыхаром Луганскай вобласці «П» былі размешчаныя ў сацыяльных сетках Інтэрнэт заклікі да грамадзян аказаць фінансавую падтрымку гэтай арганізацыі для сепаратысцкіх акцый і тэрарыстычных актаў на тэрыторыі Луганскай вобласці. Для гэтага «П» адкрыў тры рахункі на фізічную асобу ў адной з банкаўскіх устаноў», - сказана ў паведамленні.

У адпаведнасці з патрабаваннямі ч.ч.3, 5 арт.17 Закона Украіны «Аб прадухіленні і супрацьдзеянні легалізацыі (адмыванню) даходаў, атрыманых злачынным шляхам, або фінансавання тэрарызму», фінансавыя аперацыі па банкаўскіх рахунках, якія выкарыстаў зламыснік, прыпыненыя. Прымаюцца меры па ўстанаўленні асоб, якія маюць дачыненне да супрацьпраўнай дзейнасці.