Фотафакт: Абама практыкуе цягліцы ў спартзале варшаўскага гатэля
27- 4.06.2014, 19:21
- 56,011
Прэзідэнт ЗША займаўся са штангай і гантэлямі і даваў парады іншым наведвальнікам.
СМІ называюць 52-гадовага кіраўніка амерыканскай дзяржавы Барака Абаму «самым спартовым прэзідэнтам Злучаных Штатаў», бо ён падтрымлівае форму, займаючыся шэсць разоў на тыдзень. Так было і ў час ягонага двухдзённага візіту ў Варшаву з нагоды ўрачыстага святкавання 25-годдзя выбараў у Сэйм Польшчы 4 чэрвеня 1989 года. Амерыканскі прэзідэнт быў заўважаны ў спартзале гатэля Mariott.
Фота як Абама практыкуе цягліцы размясціў на сваім сваёй старонцы ў «Фэйсбуку» карыстальнік Jean Ekwa.
«Барак Абама трэніруе біцэпсы і грудную клетку ў гатэлі Marriott», - напісаў ён.
Са слоў карыстальніка, людзі пазнавалі прэзідэнта ЗША, які стрымана, але добразычліва ўсміхаўся, ціснуў руку, а камусьці даваў парады. Аўтар фота дадаў, што разам з Абамам, вядома, былі ахоўнікі, якія таксама трэніраваліся і «не трымалі яго за руку».