Еўразвяз распаўсюдзіў санкцыі на Хракава і Барадая

Абноўлены «чорны спіс» ЕЗ апублікаваны.

Еўразвяз апублікаваў у «Афіцыйным часопісе ЕЗ» 11 прозвішчаў асоб, унесеных у санкцыйны спіс у сувязі з вайной ва Украіне.

У прыватнасці, ЕЗ унёс у спіс санкцый «прэм'ера» самаабвешчанай «Данецкай народнай рэспублікі» (ДНР) Аляксандра Барадая і «кіраўніка службы бяспекі» ДНР Аляксандра Хадакоўскага.

Абмежавальныя меры ўвайшлі ў дзеянне з моманту публікацыі спісу.

Акрамя таго, у «чорны спіс» Еўразвяза ўвайшлі «віцэ-прэм'ер» ДНР Аляксандр Калюскі, «міністр інфармацыі і грамадскіх сувязяў» ДНР Аляксандр Хракаў.

Сюды ж уключаны «прэм'ер» самаабвешчанай «Луганскай народнай рэспублікі» (ЛНР) Марат Башыраў, «віцэ-прэм'ер» ЛНР Васіль Нікіцін, «старшыня вярхоўнага савета» ЛНР Аляксей Каракін, «міністр унутраных спраў» ЛНР Юрый Івакін, «міністр абароны» ЛНР Ігар Платніцкі.

Пад санкцыі ЕЗ таксама падпалі камандзір казачых войскаў ДНР Мікалай Казіцын і адзін з камандзіраў баевікоў Аляксей Мазгавы.

Такім чынам, у сапраўдны момант колькасць асоб, унесеных у санкцыйны спіс ЕЗ у сувязі з вайной ва Украіне, складае 72 чалавекі.