Намеснік міністра абароны Экватарыяльнай Гвінеі прыехаў за беларускай зброяй

У Менск прыбыла дэлегацыя з Экватарыяльнай Гвінеі.

Пра гэта паведамляе прэс-служба Міністэрства абароны Беларусі.

12 ліпеня прайшла сустрэча кіраўніка вайсковага ведамства генерал-лейтэнанта Юрыя Жадобіна з намеснікам міністра нацыянальнай абароны Экватарыяльнай Гвінеі Вісэнтэ Эя Алома. Асноўныя мэты візіту вайсковай дэлегацыі Экватарыяльнай Гвінеі - усталяванне сяброўскіх сувязяў і наладжванне ўзаемавыгаднага супрацоўніцтва ў вайсковай і вайскова-тэхнічнай сферы і наведванне VII Міжнароднай выставы ўзбраення і вайсковай тэхнікі Milex.

Сёння дэлегацыя на чале з Вісэнтэ Эя Алома возьме ўдзел у афіцыйнай цырымоніі закрыцця выставы.

Адзначым, што на працягу апошніх гадоў паведамлялася аб нарошчванні вайсковай моцы афрыканскай краіны. У 2012 годзе ВМФ Экватарыяльнай Гвінеі афіцыйна папоўніўся толькі што збудаваным на балгарскіх верфях пры актыўным удзеле ўкраінскіх спецыялістаў 2500-тонным фрэгатам Bata, які стаў флагманам ваенна-марскіх сіл, якія бесперапынна набываюць моц. Карабель валодае досыць магутным паводле мерак рэгіёну ўзбраеннем: адной 76-міліметровай і двума 30-міліметровымі аўтаматычнымі артылерыйскімі ўстаноўкамі, а таксама двума гелікоптэрамі.