Жонка Шумахера: Міхаэль ідзе на папраўку

Сяміразовы чэмпіён «Формулы-1» Міхаэль Шумахер ідзе на папраўку.

Жонка спартоўца Карына Шумахер распавяла, што муж стаў адчуваць сябе лепш пасля таго, як яго вывелі са штучнай комы і змясцілі ў швейцарскую клініку ў мінулым месяцы, піша «Комсомольская правда в Беларуси».

- Ён папраўляецца. Павольна, вядома, але, у кожным выпадку, яго стан паляпшаецца, - кажа яна.

Чырвоны Барон не ўстае ўжо восьмы месяц. 29 снежня мінулага года ён атрымаў цяжкую чэрапна-мазгавую траўму, катаючыся на лыжах у французскіх Альпах. Спартоўца лечаць у клініцы ў Грэноблі.

Легендзе «Формулы-1» зрабілі дзве аперацыі ў выдаленні тромбаў. Тытулаванага немца трымаюць у стане штучнай комы, каб паменшыць атрыманы ў выніку траўмы ацёк мозгу.

Вядома, што шанцы на поўнае выздараўленне памяншаюцца, калі чалавек застаецца ў стане комы доўгі час. Многія спецыялісты ўжо выказаліся ў тым духу, што Міхаэль Шумахер можа правесці ў такім стане ўсё астатняе жыццё. Але мы верым, што гэта не так.

Аднаўленне Міхаэля Шумахера, нават калі і будзе паспяховым, можа заняць цэлы год. І калі гоншчык зможа ў будучыні сам хадзіць, есці, апранацца, захоўваючы хоць частку ранейшых прывычак, для нейрахірургаў гэта будзе ўжо перамогай.