Тэлебачанне КНДР абвясціла аб выхадзе зборнай краіны ў фінал ЧС у футболе
48- 13.07.2014, 9:05
- 50,022
Жыхары Паўночнай Карэі думаюць, што іх зборная згуляе ў фінале чэмпіянату свету.
Сродкі масавай інфармацыі ў краіне запэўніваюць мясцовых жыхароў у тым, што нацыянальная зборная гэтай краіны выйшла ў фінал чэмпіянату свету ў Бразіліі. Так, напярэдадні фінальнага паядынку адзін з мясцовых тэлеканалаў выйшаў з сюжэтам, у якім распавядаецца пра тое, як зборная КНДР паспяхова выступае на бразільскім Мундыялі, піша championat.com.
Спачатку яна нібыта адолела ў групавым этапе Японію (7:0), ЗША (4:0) і Кітай (2:0), і выйшла ў фінал турніру, дзе ў нядзелю, 13 ліпеня, сустрэнецца з Партугаліяй.
На самой справе ў фінале чэмпіянату свету згуляюць Аргенціна і Нямеччына. Зборная Паўночнай Карэі не здолела пераадолець кваліфікацыю.
Пазней шэраг СМІ паведаміў, што на самой справе, гэтую інфармацыю распаўсюдзілі паўднёвакарэйскія тэлеканалы ў якасці жартаўлівай ілюстрацыі ілжывасці прапаганды КНДР.