Міжнароднае энэргетычнае агенцтва: Попыт на нафту будзе падаць

Слабасць сусветнай эканомікі зніжае попыт на нафту.

Аб гэтым паведамляецца ў справаздачы Міжнароднага энэргетычнага агенцтва (МЭА), экспэрты якога скарацілі прагноз сярэдняга спажывання нафты ў 2014 годзе да 92,7 млн барэляў у дзень. У параўнанні з папярэдняй версіяй прагнозу паказчык скараціўся на 130 тысяч барэляў у дзень, піша РБК.

У справаздачы МЭА тлумачыцца, што галоўнай прычынай зніжэння глабальнага попыту на нафту стала скарачэнне аб'ёмаў нафтаперапрацоўкі. Праз планавыя і пазапланавыя прыпынкі НПЗ спажыванне нафты галіной у чэрвені 2014 г знізілася ў гадавым вылічэнні ўпершыню з кастрычніка мінулага года. Сярэдні ў 2014 годзе прагноз спажывання нафты НПЗ усяго свету скарочаны экспэртамі МЭА да 76,8 млн барэляў у дзень, гэта значыць, на 900 тысяч барэляў у дзень.

Зрэшты, ужо да канца года попыт на нафту, на думку экспэртаў МЭА, зноў пачне расці, а ў 2015 годзе спажыванне нафты ў свеце вырасце ў сярэднім на 1,4 млн барэляў у дзень.

Адначасова МЭА знізіла прагноз паставак нафты на сусветны рынак з краін АПЕК. На думку экспэртаў, удзельнікі нафтавага картэля ў другім паўгоддзі 2014 г будуць пдзень, а ў 2015 годзе сярэдні аб'ём паставак скароціцца да 29,8 млн барэляў у дзень. Пры гэтым пастаўкі нафты з краін, якія не ўваходзяць у АПЕК, у 2015 г вырастуць на 1,2 млн барэляў у дзень.

Раней экспэрты кампаніі BP паведамілі, што ў мінулым годзе Злучаныя Штаты ўпершыню з 1999 г абагналі Кітай у росце спажывання нафты. У 2013 г сярэднясутачны попыт на нафту ў ЗША вырас на 400 тысяч барэляў, а ў Кітаі - на 390 тысяч.