Дальнабойнік не заўважыў, як збіў пешахода

На скрыжаванні вуліц Кіжаватава і Сярова ў Менску зноў збілі пешахода.

Як распавялі ў ДАІ, наезд быў учынены на фуры DAF, кіроўца якой нават не адчуў, што ўчыніў ДТЗ, піша onliner.by.

- Каля 22:30 кіроўца 1983 года нараджэння рухаўся па вуліцы Кіжаватава на выезд з горада, - распавяла старэйшы інспектар у агітацыі і прапагандзе ДАІ Кастрычніцкага раёна Вольга Прышчэпа. - З яе слоў, загарэўся зялёны сігнал святлафора, ён пачаў рух, праехаў скрыжаванне з вуліцай Сярова. Праз некаторы час яму стаў сігналіць маршрутчык, які паведаміў аб ДТЗ.

Пацярпелым апынуўся мужчына 1976 г.н.. Паводле папярэдняй інфармацыі, ён перасякаў дарогу не ў патрэбным месцы.

- Як кажуць відавочцы, мужчына рухаўся па дыяганалі. Акрамя таго, на святлафоры, размешчаным паблізу, ужо гарэў чырвоны сігнал святлафора, - дапоўніла Вольга Прышчэпа. - Пацярпелы быў дастаўлены ў лякарню з папярэднім дыягназам «пераломы костак таза і рэбраў».

На гэтым скрыжаванні не раз да смерці збівалі пешаходаў. Апошні такі выпадак адбыўся ў канцы мінулага года.