Фота лунаючага арла перамагло на конкурсе National Geographic

Часопіс National Geographic вызначыў самыя прыгожыя фатаграфіі, зробленыя з дронаў за мінулы год.

У выніку лепшым быў прызнаны здымак, на якім арол лунае высока ў небе над нацыянальным паркам на поўначы выспы Балі ў Інданэзіі, паведамляе BBC.

Існуе адмысловы сайт Dronestagram, на якім карыстальнікі могуць размяшчаць фота з галавакружнымі відамі. Яго заснавальнік Эрык Дзюпін адзначыў, што фотаздымкі з беспілотнікаў адкрываюць новыя перспектывы.

«Яны адкрываюць новую карціну свету з дапамогай дзіўных фотаздымкаў, зробленых на невялікай вышыні, - сказаў ён. - Яны вельмі адрозніваюцца ад фатаграфій са спадарожніка, самалёта або верталёта, а таксама ад здымкаў, зробленых на зямлі. Гэта своеасаблівы прамежкавы ўзровень».

Ніжэй прадэманстраваныя іншыя фатаграфіі, якія ўвайшлі ў тройку лепшых паводле версіі журы.

Другое месца

Трэцяе месца

Таксама былі названыя тры самыя папулярныя фатаграфіі на думку карыстальнікаў сайта Dronestagram.

Першае месца

Мексіканскі вадаспад Тамул вядомы не толькі сваёй вышынёй (105 м), але і крышталёвай чысцінёй вады

Другое месца

Каталіцкі храм Сен-Назер у французскім мястэчку Санары-сюр-Мэр

Трэцяе месца

На стадыёне ў Балгарыі адзначалі стагоддзе двух мясцовых футбольных каманд