Амерыканцы паказалі ў дзеянні саманаводную кулю (Відэа)
20- 13.07.2014, 14:42
- 43,013
Відэаролік дэманструе, як куля, выпушчаная па няправільнай траекторыі, карэктуе свой шлях і трапляе ў мэту.
Агенцтва ў перспектыўных абаронных навукова-даследчых распрацоўках ЗША (DARPA) апублікавала вынікі першага паспяховага выпрабавання кіраваных куль 50-га калібра. Паведамляецца, што першыя паспяховыя выпрабаванні прайшлі ў канцы красавіка. Відаць, што куля двойчы мяняе траекторыю, перш чым уразіць мішэнь.
Праграма Exacto (EXtreme ACcuracy Tasked Ordnance, распрацоўка сістэмы высокадакладнай бяспечнай снайперскай стральбы) была пачатая ў лістападзе 2008 года. DARPA ўжо ўяўляла прататып «разумнай» кулі ў 2012 годзе, аднак новае відэа сведчыць аб тым, што агенцтва ўдасканаліла тэхналогію, паведамляе РІА «Новости».
Сістэма Exacto ўяўляе сабой буйнакаліберную вінтоўку, кіраваную кулю і аптычную сістэму навядзення, якая сочыць за палётам кулі і накіроўвае яе да мэты. Сістэма дазваляе карэктаваць траекторыю палёту кулі з улікам самых розных фактараў - да прыкладу, моцнага ветру або пясчанай буры.
Распрацоўшчыкі сцвярджаюць, што снайперы, якія маюць такія саманаводныя кулі, могуць паражаць рухомыя і складаныя мэты практычна пры ўсякіх умовах, пры гэтым не раскрываючы сваё дакладнае месцазнаходжанне. Брытанскае выданне The Register дадае, што новая сістэма таксама нашмат павялічыць дыстанцыю паразы. Кулі з вінтоўкі калібру 50, якую выкарыстоўваюць амерыканскія снайперы, могуць ляцець на 7 км, але для не кіраваных зарадаў прыцэльная стральба на далёкасці звыш 2 км неверагодна складаная.