Пагоня за п'яным кіроўцам у Менску скончылася маштабным ДТЗ

На скрыжаванні вуліц Громава і Ясеніна адбылася аварыя, у якую трапілі адразу пяць аўто.

Маркотней за ўсё ДТЗ скончылася для кіроўцы BMW 7-Series, аўтамабіль якога ўляцеў у святлафор. Ахвяраў няма, аднак аўтамабіль сур'ёзна пацярпеў.

Карэспандэнт onliner.by на месцы аварыі, недалёка ад спартовага цэнтра Максіма Мірнага, убачыў толькі моцна пабіты BMW 7-Series. Іншых аўтамабіляў на скрыжаванні ўжо не было. Пацярпелых у ДТЗ няма. Мяркуючы па ўсім, на скрыжаванні дзвюх вуліц адбылася серыя бакавых сутыкненняў.

Падрабязнасці паведаміў відавочца аварыі, які бачыў яе з акна свайго дома.

«Толькі што на скрыжаванні Громава і Ясеніна. Жэсць. Аўтамабіляў пяць адразу. ДАІ прыехала ў момант, кіроўцу чорнага аўто работнікі ДАІ сілай вывалаклі і ножкамі дапамаглі ўлегчыся на асфальт. Хутчэй за ўсё, даганялі. Кіроўцу ў кайданках павезлі ў ДАІ», - распавёў ён.

«Кіроўца на BMW, уякаючы ад пагоні, паехаў на скрыжаванне на чырвоны свет, яго стукнула Renault, і ён па інэрцыі зачапіў яшчэ 2-3 аўтамабілі! Работнікі ДАІ адразу павязалі і павезлі!»- апісвае падзеі іншы сведка.

Як паведамілі ў Дзяржаўтаінспекцыі Мінска, кіроўца BMW 7-Series быў п'яны, супрацоўнікі ДАІ выраблялі яго затрыманне.