Вулічныя мастакі размалявалі фасады будынкаў у Баранавічах

У праекце ўзялі ўдзел мастакі з Гародні, Гомеля, Віцебска, Менска, Пінска і Масквы.

У Баранавічах праходзіць акцыя Must Act - Must Art, паведамляе «Радыё Свабода».

У яе рамках вулічныя мастакі змяняюць 5-6 фасадаў жылых дамоў і тэхнічных збудаванняў. На шэрыя сцены наносяцца маляўнічыя графіці з дапамогай балончыкаў з фарбай.

Некамерцыйны праект «MustAct - MustArt» быў запушчаны стрыт-арт супольнасцю «Signal» з мэтай паляпшэння якасці гарадскога асяроддзя сіламі і ідэямі вулічных мастакоў.

Такія акцыі ўжо паспяхова прайшлі ў Магілёве і Гомелі.