«Грузінская мара» перамагае на мясцовых выбарах

Кандыдаты кіруючай кааліцыі атрымоўваюць упэўненую перамогу ў другім туры мясцовых выбараў, які адбыўся ў сталіцы і яшчэ сямі гарадах Грузіі 12 ліпеня.

Паводле папярэдніх вынікаў, кандыдат кіруючай кааліцыі ў мэры Тбілісі Давід Нарманія набраў 72,47% галасоў выбаршчыкаў, а яго канкурэнт, кандыдат ад апазіцыйнай партыі «Адзіны нацыянальны рух» Ніка Мелія, набраў 27,53%, паведамляе BBC.

Кандыдаты ад кіруючай партыі таксама лідзіруюць у сямі гарадах, дзе выбіралі мэраў, і 13 муніцыпалітэтах, дзе падчас другога тура абіралі гамгебелі - кіраўнікоў муніцыпалітэтаў.

У астатніх 46 муніцыпалітэтах і 4 гарадах Грузіі прадстаўнікам кіруючай кааліцыі атрымалася атрымаць перамогу ўжо ў першым туры мясцовых выбараў, які прайшоў 15 чэрвеня.

Мясцовыя выбары 2014 з'яўляюцца беспрэцэдэнтнымі для Грузіі, бо ўпершыню ў 11 гарадах краіны мэры будуць абраныя прамым галасаваннем.

На папярэдніх выбарах у органы мясцовага самакіравання такую магчымасць мелі толькі жыхары сталіцы.

«Апошні бой»

ЦВК Грузіі заявіў, што паводле папярэдніх звестак на 08:00 вечара актыўнасць выбаршчыкаў склала 36%. «Выбары прайшлі ў спакойнай абстаноўцы, без значных парушэнняў», - заявіла старшыня ЦВК Тамара Жванія пасля завяршэння працэсу галасавання.

Пасля заканчэння галасавання і яшчэ да абвяшчэння першых вынікаў прэм'ер-міністр Грузіі Іраклій Гарыбашвілі назваў правядзенне другога тура мясцовых выбараў «перамогай Грузіі». «Не мае значэння, хто перамог сёння, магу запэўніць вас, што перамагла наша краіна, - заявіў Гарыбашвілі. - Сёння паспяхова прайшоў другі тур выбараў. Сёння мы даказалі, што ўкараняем практыку дэмакратычных, справядлівых, празрыстых, свабодных выбараў у Грузіі».

Мясцовыя выбары некаторыя палітолагі называюць «трэцім і вызначальным раўндам» для кіруючай кааліцыі пасля перамогі ў парламенцкіх выбарах 2012 года і прэзідэнцкіх выбарах 2013 года.

Крок назад

Аб'яву першых вынікаў выбараў у цэнтральным офісе кааліцыі сустрэлі апладысментамі. У лагеры «Адзінага нацыянальнага руху», партыі, якая знаходзілася ва ўладзе да парламенцкіх выбараў 2012 года, настрой быў больш прыгнечаным, а правядзенню другога тура давалі абсалютна процілеглую ацэнку.

Упершыню ў гісторыі Грузіі ў 11 гарадах краіны мэры будуць абраныя прамым галасаваннем

Каментуючы вынікі выбараў на тэлекампаніі «Руставі-2», Ніка Мелія прызнаў сваю паразу, але заявіў, што не можа павіншаваць Нарманія з перамогай, для якой неабходным стала затрыманне былога мэра Тбілісі Гігі Угулава.

Лідар парламенцкай меншасці Давід Бакрадзэ заявіў, што яўка выбаршчыкаў была нізкай і гэта з'яўляецца паказчыкам таго, што насельніцтву не падабаецца тое, што адбываецца ў краіне.

Акрамя таго, з ягоных слоў, цэлы шэраг крокаў, зробленых уладамі, у тым ліку, і затрыманне кіраўніка выбарчага штаба партыі Гігі Угулава, кінула цень на перадвыбарчы перыяд.