Заўтра ў Беларусі пацяплее да +29°С

13 ліпеня ўмовы надвор'я на тэрыторыі Беларусі будзе вызначаць маларухомы атмасферны фронт.

Чакаецца воблачнае з праясненнямі надвор'е. На большай частцы тэрыторыі пройдуць дажджы, прагрымяць навальніцы, месцамі чакаюцца моцныя ліўні. У дзённыя гадзіны ў асобных раёнах магчымы град. Вецер паўднёва-ўсходні парывісты, месцамі пры навальніцах шквалістае ўзмацненне ветру. Тэмпература паветра мінімальная ўначы +13.. +19°С, максімальная ўдзень +21..+26°С, па ўсходзе да +29°С. Атмасферны ціск ноччу істотна не зменіцца, днём будзе слаба расці, паведамляе pogoda.by.

У наступныя двое сутак будзе няўстойлівае цёплае надвор'е. 14 ліпеня пераважна паўночна-ўсходняя частка краіны застанецца пад уплывам франтальных сістэм, днём на паўднёва-заходнія рэгіёны Беларусі пачнуць распаўсюджвацца няўстойлівыя вельмі цёплыя паветраныя масы міжземнаморскага паходжання. Пераважна па паўночна-ўсходняй палове рэспублікі пройдуць кароткачасовыя дажджы, месцамі прагрымяць навальніцы. Днём у крайніх усходніх раёнах чакаюцца моцныя дажджы, магчымы град. Вецер паўднёвай чвэрці слабы да ўмеранага, пры навальніцах парывісты. Тэмпература паветра ўначы +10..+17°С, удзень ад +22°С па паўночным усходзе да +29°С па паўднёвым захадзе краіны.

15 ліпеня краіна застанецца ў няўстойлівай і вельмі цёплай паветранай масе, сфарміраванай у паўднёвых шыротах. Уначы месцамі, удзень на большай частцы рэспублікі пройдуць кароткачасовыя дажджы. У асобных раёнах прагрымяць навальніцы, удзень магчымы град. Вецер паўднёвай чвэрці слабы да ўмеранага, пры навальніцах парывісты. Тэмпература паветра ўначы +12 .. +17° С, удзень паветра прагрэецца да +25..+30°С.