Украінка на «Славянскім базары» экспромтам праспявала хіт Вакарчука

Спявачка з Украіны выйшла на сцэну ў Віцебску ў сукенцы колераў нацыянальнага сцяга сваёй краіны.

Учора прайшоў першы конкурсны дзень фестывалю «Славянскі базар». Прадстаўніца Украіны, 19-гадовая кіянка Вераніка Дораш - на трэцім месцы (за выкананне сваёй аўтарскай песні яна атрымала 89 балаў з 100 магчымых). Наперадзе яе толькі мексіканец Радрыга дэ ла Кадэна (95 балаў) і малдаванін Віталія Негруца (90 балаў), піша «Сёння».

Што цікава, пасля свайго выступу Вераніка Дораш, якая была апранутая ў сукенку колераў украінскага сцяга, экспромтам яшчэ выканала радкі з хіта «Акіяна Эльзы» - «Усё буде добре для скурнага з нас! Все буде добре - настане наш час». Беларускія вядучыя відавочна не былі гатовыя да такога павароту падзей, затое публіка ў зале прыняла выступ «на ўра». Многія апладзіравалі ўкраінцы стоячы.